Өңдеу және өңдеуші өнеркәсіптер
№ 1 (26) - 2025 / 2025-03-31 / Көрілім саны: 29
АМАРАНТ ҚОСПАСЫМЕН СҮТҚЫШҚЫЛДЫ ӨНІМ ӨНДІРУ ТЕХНОЛОГИЯСЫН ӘЗІРЛЕУ
Авторлар
Кілтті сөздер
Амарант, сүтқышықлды өнімі, функционалды тағам, тағамдық құндылық, антиоксиданттар
DOI сілтемесі:
Қалай дәйексөз келтіруге болады
Аңдатпа
Бұл ғылыми жұмыста амарант ингредиентін қосу арқылы ашытылған сүт өнімін алу технологиясын жасау қарастырылған. Оның соңғы өнімнің органолептикалық және физика-химиялық көрсеткіштеріне әсері зерттеледі. Функционалды ашытылған сүт өнімдері саласындағы патенттік әзірлемелерге, сондай-ақ амаранттың тағамдық құндылығы туралы ғылыми деректерге кешенді талдау жүргізілді. Тәжірибелер барысында амарант қоспасының әртүрлі концентрациясында өнімнің құрылымының, қышқылдығының, тұтқырлығының, ақуыз құрамының және антиоксиданттық белсенділігінің өзгеруі зерттелді. Алынған нәтижелер ұқсас зерттеулермен салыстырылды, бұл тағамдық құндылықты арттыру және тұтынушылық сипаттамаларын жақсарту үшін ашытылған сүт ортасына амарант енгізудің оңтайлы шарттарын анықтауға мүмкіндік берді. Сондай-ақ, мақалада амаранттың тамақ өнеркәсібінде әлеуетті қолданылуы, оның өнімнің функционалдығы мен тотығу тұрақтылығына ықтимал әсері қарастырылады. Амарант ұнын 3% концентрацияда қосу теңдестірілген органолептикалық көрсеткіштерді, жоғары антиоксиданттық белсенділікті және ашытылған сүт өнімінің жақсартылған физика-химиялық сипаттамаларын қамтамасыз ететін оңтайлы нұсқа екені анықталды.
