АУЫР МЕТАЛДАРДЫ АНЫҚТАУДА MXENE НАНОКОМПОЗИТТЕРДІҢ МАҢЫЗЫ

Ең күшті және ең көп таралған химиялық ластанудың бірі - ол қоршаған ортаның ауыр металдармен ластануы. Ауыр металдар көптеген ферменттердің құрамына кіретін биологиялық процестерге белсенді қатысады. Ауыр металл иондарының уыттылығы қоршаған орта компоненттеріне және адам денсаулығына бірқатар зиянын келтіреді. Сондықтан да ауыр металдарды анықтау өте маңызды болып табылады. Ауыр металдарды анықтау үшін сенімді және тиімді жүйені құру қажет. Ал дәстүрлі анықтау әдістері көбінесе қазіргі қажеттіліктерді қанағаттандыру үшін жеткіліксіз. Сондықтанда қазіргі кезде ауыр металдарды анықтауда электрохимиялық сенсорларды қолдану маңызды орын алып отыр. Электрохимиялық сенсорлар өзінің ерекше мүмкіндіктерінің арқасында зерттеудің перспективалық бағытына айналды. Электрохимиялық сенсорларды анықтау тиімділігін арттыру зерттеудің негізгі бағыты болып табылады. Анықтау өнімділігін айтарлықтай жақсартудың жетекші стратегиясы наноматериалдарды электрохимиялық сенсорларға қосуды қамтиды. Бұл шолу MXene нанокомпазиттерін соңғы жылдардағы электрохимиялық сенсорлар саласындағы наноматериалдардың жетістіктерін салыстырады. Бұл жоғары сезімталдығы бар және анықтау шегі төмен электрохимиялық сенсорларды дайындау үшін жаңа идеялар алуға мүмкіндік береді. Электродтарды модификациялау үшін инновациялық материалдар алу үшін әртүрлі наноматериалдардың артықшылықтарын білу және біріктіру көптеген азық-түлік, экологиялық және де басқа салалардағы ауыр металл иондарының қаупін жоя алады деген ойдамыз.