Меню
№ 1 (26) - 2025 / 2025-03-31 / Көрілім саны: 42
Авторлар
Кілтті сөздер
DOI сілтемесі:
Қалай дәйексөз келтіруге болады
Бұл мақалада модификацияланған активтендірілген көмір алу технологиясы және оның фосфат иондарымен сорбциялық қасиеттерін зерттеу нәтижелері ұсынылған. Активтендірілген көмірді химиялық модификациялау процесі оның бетіне мақсатты иондарды таңдап байланыстыратын активті орталықтарды орналастырудан тұрады, бұл жағдайда фосфаттар. Осы мақсатта көмірді темір тұздарының (FeCl3) ерітінділерімен сіңдіру және кейіннен термиялық өңдеу әдісі қолданылды. Нәтижесінде көмір бетінде оксидтер пайда болып, олар адсорбция үшін активті орталықтарды қалыптастыруда маңызды рөл атқарады. Көмір бетінде пайда болатын темір оксидтері, мысалы, Fe2O3 және Fe3O4, фосфат иондарымен координациялық өзара әрекеттесуге түсуі нәтижесінде материалдың сорбциялық сыйымдылығы едәуір артады. Модификацияланған көмірдің құрылымдық өзгерістері ИҚ спектроскопиясы және СЭМ талдау әдістерімен расталды. Алынған модификацияланған активтендірілген көмірдің сорбциялық қасиеттері әртүрлі жағдайларда, соның ішінде pH, температура және адсорбент дозасын өзгерту арқылы зерттелді. Эксперименттер көрсеткендей, ең жоғары адсорбция тиімділігі (85%) pH 7, температура 30 °C және адсорбент дозасы 0,5 г/л болғанда қол жеткізілді. Сондай-ақ, модификацияланған және модификацияланбаған көмірдің сорбциялық қасиеттерін салыстырмалы түрде талдау жүргізілді. Модификацияланған активтендірілген көмір адсорбция тиімділігінің едәуір жоғары екенін көрсетті (85%), ал модификацияланбаған көмір үшін бұл көрсеткіш 62% болды.