ФУЛЬВОҚЫШҚЫЛЫ ЕРІТІНДІЛЕРІНІҢ ФИЗИКА-ХИМИЯЛЫҚ ҚАСИЕТТЕРІН ЗЕРТТЕУ

Мақалада Майкөбен кен орнының тотыққан қоңыр көмірлерінен алынған фульвоқышқылын Форсит әдісімен алу және тазарту қарастырылады. Тазарту кезеңдері: адсорбция, иондық тазарту және диализ, мұнда адсорбент ретінде «Кокосты» белсендірілген көмір қолданылды. Фульвоқышқылының және оның бейтарап сұйылтылған ерітінділерінің физика-химиялық қасиеттері ИҚ және ЯМР спектроскопиясының көмегімен талданды. Фульвоқышқылының бірегей құрамы зерттелді, қоректік зат ретінде әрекет ететін микроэлементтер мен маңызды органикалық қосылыстардың құрамы анықталды. Нәтижелердің сенімділігі қайталанатын тәжірибелер мен талдаудың балама әдістерінің ұқсастықтары кезінде қанағаттанарлық. Сонымен қатар, фульвоқышқылының антиоксиданттық сипаттамалары анықталды, бұл биологиялық белсенді қоспалар мен фармацевтикалық препараттар ретінде жаңа перспективаларды ашады. Форсит әдісі дәстүрлі тазарту әдістерімен салыстырғанда аз шығынмен таза өнім алуда өзінің тиімділігін көрсетті. Бұл тәсіл отандық көмір ресурстарынан бағалы заттарды алудың экологиялық таза технологияларын әзірлеудің әлеуетін көрсетеді. Бұл бағыттағы зерттеулерді одан әрі жүргізу фульвоқышқылының басқа бейорганикалық қосылыстармен әрекеттесуінің ерекше қасиеттері мен заңдылықтарын негіздеуге және пайдалану мүмкіндіктерін кеңейтуге мүмкіндік береді.