АУДИТОРЛЫҚ ҚЫЗМЕТТЕР НАРЫҒЫНЫҢ САПАСЫН СПЕКТРЛІК ТАЛДАУ

Ғылыми мақала аудит сапасына әсер ететін аудиторлық және ілеспе қызметтер нарығына қолданылуы мүмкін, барлық мүдделі тараптар арасындағы өзара іс-қимылды талдау негізінде аудиторлық нарықпен байланысты проблемаларды айқындаудың сапалық және сандық әдістерінің кешенін зерделеуге бағытталған. Зерттеудің мақсаттары мен міндеттерін жан-жақты жүзеге асыру үшін жалпы ғылыми және экономикалық әдістер қолданылды. Жалпылау әдісі зерттеу материалына толық талдау жүргізуге және зерттеудің құрылымын қалыптастыруға мүмкіндік берді. Ғалымдардың пікірлерін бағалау және аудиторлық қызметтер нарығының даму ерекшеліктерін анықтау үшін түсіндіру және салыстыру әдістері пайдаланылды. Қазақстанның қазіргі аудиторлық қызметтер нарығы мен жүйесіне спектрлік талдау жүргізілді, бұл қызметтердің сапасын уақыт пен басқа параметрлерге байланысты бағалауға мүмкіндік берді. Мәліметтер мен статистикалық қорытындыларды талдау негізінде Қазақстан Республикасының аудиторлық қызметтер нарығының қазіргі жай-күйі туралы тұжырымдар жасалды, қызмет сапасына әсер ететін факторлар анықталып, оны жақсарту бойынша ұсыныстар берілді. Спектрлік талдау нәтижелері статистикалық талдауға түсіп, әртүрлі аудиторлық ұйымдар мен жағдайлар арасындағы маңызды заңдылықтар мен айырмашылықтар анықталды