Меню
Том 1 № 30 (2026) / 2026-03-30 / Көрілім саны: 115
Авторлар
Кілтті сөздер
DOI сілтемесі:
Қалай дәйексөз келтіруге болады
Бұл жұмыста биоконсерванттарды қолдана отырып, моноглицеридтер мен сүт сарысуы негізінде салқындатылған құс етін сақтауға арналған үлдір түзетін жабындардың (ҮТЖ) оңтайлы құрамын негіздеу бойынша зерттеу нәтижелері ұсынылған. Негізгі назар құс етін салқындату және одан әрі 30 тәулік бойы криоскопиялық температураға жақын жағдайда сақтау процесінде тағамдық жабындардың салмақ жоғалтуына (кебуіне) әсерін бағалауға аударылған. Технологияны өндірістік сынақтан өткізу «Медеу 55» АӨК (Түркістан облысы) базасында жүргізілді. Сынақтар барысында құрамында сүт сарысуы, глицерин, органикалық қышқылдар (сүт және лимон), сондай-ақ белсенді микробқа қарсы компонент ретінде Lactococcus lactis ssp. lactis F-116 гибридті штаммының бактериоцині бар композиция қолданылды. Сынақ нәтижелері бұл технологияны енгізу өнімнің микробиологиялық қауіпсіздігін арттыруға және оның жарамдылық мерзімін ұзартуға ғана емес, сонымен қатар құс ұшаларының табиғи салмақ жоғалтуын айтарлықтай төмендетуге мүмкіндік беретінін көрсетті. Қосымша 30 тәулік сақтау кезеңінде ҮТЖ-ның түрлі комбинацияларының жалпы микробтық санына (ЖМС) әсері зерттелді. Атап айтқанда, 1% желатин және 2% сүт қышқылымен бірге 0,1% «Nisin Рro» низині негізіндегі құрамның тиімділігі Lactococcus lactis ssp. lactis F-116 штаммының 0,1% культуралдық сұйықтығын қолданған құраммен салыстырылды.