Меню
Том 4 № 29 (2025) / 2025-12-30 / Көрілім саны: 154
Авторлар
Кілтті сөздер
DOI сілтемесі:
Қалай дәйексөз келтіруге болады
Коммуникация, технология, көлік және білім беру сияқты салалардағы өзгерістер мен жетістіктер әртүрлі мәдениеттерден шыққан адамдардың бір жерде бірге өмір сүруіне көптеген мүмкіндіктер берді. Мұндай мәдениетаралық өзара әрекеттестіктерді және айырмашылықтарды басқару үшін түрлі ұйымдық және жеке стратегиялар қолданылады. Бұл стратегиялардың ішінде жаңа әрі маңызды ұғым – мәдени интеллект. Себебі мәдени интеллект деңгейі жоғары адамдар барған елдің жүйелері мен әлеуметтік өміріне тез бейімделе алады, бұл академиялық табысқа (үздік оқу, үлгілі студент болу) қол жеткізуде елеулі артықшылықтар береді. Осы тұрғыда бейімделу үдерістері мен жетістік деңгейі жеке тұлғаларға белгілі бір дәрежеде әсер етеді. Сондықтан бұл зерттеу мәдени интеллект пен мәдени бейімделудің академиялық үлгерімге әсерін талдауға мүмкіндік береді. Осыған байланысты зерттеудің мақсаты – мәдени интеллект пен мәдени бейімделудің арасындағы өзара байланысты және олардың академиялық үлгерімге ықпалын анықтау. Зерттеу үлгісі Ходжа Ахмет Ясауи атындағы Халықаралық қазақ-түрік университетінде оқитын шетелдік студенттермен шектелді. Зерттеуге барлығы 275 шетелдік студент қатысты, олардың 253-і толық және дұрыс жауаптар берді. Нәтижелер көрсеткендей, қатысушылардың мәдени интеллект деңгейі олардың мәдени бейімделу деңгейінен жоғары болды және мәдени интеллект деңгейі жоғары студенттердің академиялық үлгерімі де жоғары болды.